Aye Sabz Gumbadwale Manzur Dua Karna,
Jub Waqt-E-Najaa Aaye Didar Ata Karna
Aye Noore Khuda Aakar Aankho Me Sama Jana,
Ya Darpe Bula Lena Ya Khwab Me Aa Jana,
Ae Pardanashi Dilke Parde Me Raha Karna
Jub Waqt-E-Najaa Aaye Didar Ata Karna
Me Qabar Andheri Me Ghabraunga Jub Tanha,
Imdad Meri Karne Aa Jana RasoolALLAH,
Roshan Meri Turbat Ko Ae Noore Khuda Karna,
Jub Waqt-E-Najaa Aaye Didar Ata Karna
Mujrim Hu Jahabharka Meheshar Me Bharam Rakhna,
Ruswae Jamana Hu Daman Me Chupa Lena,
Maqbul Dua Meri Mehboob-E-Khuda Karna,
Jub Waqt-E-Najaa Aaye Didar Ata Karna
Chehre Se Jiya Payi In Chand Sitaro Ne,
Aur is Darse Shifa Payi Dukh Dard Ke Maro Ne,
Aata he unhe Sabir Hashra Ki Dawa Karna,
Jub Waqt-E-Najaa Aaye Didar Ata Karna
Aye Sabz Gumbadwale Manzur Dua Karna,
Jub Waqt-E-Najaa Aaye Didar Ata Karna
(Bargah-E-Risalat Me Durud-E-Pak Ka Nazrana Pehs Kare)
